Pendahuluan
Dalam buku “SERAT TUNTUNAN SULUK” (Kodirun : 1964) dijelaskan bahwa “suluk” adalah semacam puisi atau sanjak, berasal dari kata “su” (indah, lebih) dan “luk” (suara), sehingga artinya suara yang indah.
Suluk dalam pedalangan di sini mencakup : pathetan, sendhon dan ada-ada. Secara praktis catatan suluk ini –yang menurut istilah Ki Kristiaji, S.Sn seorang praktisi Omah Wayang Klaten-, dibagi menurut wilayah waktunya yang dikenal dengan tiga wilayah waktu. Pertama, Pathet Nem. Kedua, Pathet Sanga. Ketiga, Pathet Manyura. Sekedar contoh yang secara praktis digunakan dalam satu pagelaran pakeliran semalam suntuk dengan merujuk pada materi pembelajaran di Omah Wayang Klaten, baik dalam bentuk teks (cakepan), teks beserta notasi (titi laras), maupun audio, sebagai berikut
Pathet Nem
Pathet Nem Ageng :
Untuk jejer pertama kali Negara Astina Prabu Kurupati :
Leng leng ramya ningkang, sasangka, kumenyar, O,
mangrengga ruming puri, O ,
mangkin tanpa siring, halep ingkang umah ,
maslir murubing langit , O ,
tekyan sarwa manik , O , O ,
cawinya sinawung, O, O ,
sasat sekar sinuji, ungwan banuwati , O ,
yanma mrem lelangen, lan nata Duryudana, O ,
lan nata Duryudana , O, O .
Ada-ada Girisa :
Untuk menyambung pathet nem ageng di atas :
Leng leng gatiningkang, hawan saba saba ,
nikeng Ngastina, samantara tekeng,
tegal Kuru narar ya Kresna lakunira,
Parasu Rama Kanwa Janaka, dulur Narada , O,
kapanggih ing ika, jumurunging karsa, sang Bupati.
Bentuk teks (cakepan) beserta notasi (titi laras) (pdf) dapat diklik di sini dan bentuk audionya di sini dan di sini.
Ada-ada Girisa cakepan lain :
Raras kang halenggah, neng amparan rukmi,
akarya asmara, hanawung, sembada,
hawingit weh wingwrin, wimbaning narpati,
siniwaka kadya, sang maha bathara, O ,
tumurun mandana, prasidaning dadi, harjaning praja.
Ada-ada Girisa cakepan lain :
Raras kang halenggah, neng dampar kencana,
sumorot prabanya, lir bathara Endra,
gumelar hangebaki, kang samya sumewa,
tinon kadi samodra pasang, kang sa mya trapsila, O ,
nganti wijilingkang sabda pangandika, sang bupati.
Ada-ada Girisa jugag
Untuk entas-entasan Limbuk-Cangik setelah melucu :
Leng leng gatiningkang, hawan saba saba , nikeng Ngastina,
samantara tekeng, tegal Kuru narar ya Kresna lakunira ,
Parasu Rama Kanwa Janaka, O.
Ada-ada Girisa jugag cakepan lain :
Sang Baladewa Narpati, tuwin Narendra kresna,
Kalangkung tresnanira, mring dyah banoncinawi, mangka pisah unggwanira,
mila tansah tanya warta, wahu Sri Narendra kekalih, O.
Pathet Nem wantah :
Unrtuk adegan kedhatonan selain Dewi Banuwati :
Bremara reh manguswa amung mbrengengeng,
Kadi karunaning kaswosih, O ,
neng marga amalatkung, O ,
risang Gandawastratmaja ,
leng leng lalu hangulati, surya mangrangsang wayah, O,
kumyus hamarawayan, O , O.
Pathet Nem Wantah Cakepan Slain
Asri tinon ing pasewakan, busana sutra maneka , O ,
serbak puspiteng udyana, O ,
myang panjrahing sarwa retna, renggang manik nawa retna ,
abra prabanya sumirat, O ,
gebyaring teja liweran, O , O.
Pathet Nem Jugag
Untuk singgetan (jeda) :
Hanjrah ingkang puspita rum, kasiliring samirana mrik, O ,
sekar gadung, kongas gandanya, O,
maweh raras renaning driya, O, O .
Pathet Nem Jugag Cakepan lain
Hatap para hapsari tumonton ring sang dwija ,
kadyen gal wor sajiwa , O ,
kagagas ing tyas dahat kewran ing karyanira, O ,
samya myat rengganing prabata, O , O .
Bentuk teks (cakepan) beserta notasi (titi laras) (pdf) dapat di sini dan bentuk audionya klik : Asri tinon, Hanjrah ingkang dan Hatap para hapsari.
Sendhon penanggalan/manggalan
Untuk ketika berlangsung jejer pertama kali :
Siyang pantara ratri, hamung cipta pukulun, O,
tan nalyan kang kaeksi, mila katur, ingkang cundhamanik,
prasasat rageng , ulun kang sumembah, mungwing padanta prabu,
myang kagunganta singsim, sasat sampun prapti katon asta pukulun ,
wulattan narapati, O.
Rama dewaningsun, O.
Pathet Ageng, sléndro manyura
Untuk adegan kedhaton Dewi Banuwati :
Kilwan sekaring kang tataman narpat , O,
rehnya bale kencana , O , O ,
samobra mahening pawal nataringkang, O ,
rok mutiyara raras, O ,
widurya mara nilabra, prani pager tunjungnya mahinten lumeng , O ,
muntap inten ingkang gapuranya macawi , O , O .
Sendhon Kloloran
Kangge bedholan Kedhatonan :
Galak ulat, kadi thathit abarung , kang pamulu ,
alus manis maweh kung , O ,
sembada gengha dedeg mandarangkung
hagoreh pantes dadya malat kung , O.
Ada-ada Hastakuswala Alit, sléndro nem
Untuk memerintahkan para wadya :
Mundur rekyana patih, undhanging prawadya, sami sawéga,
umyung ramya swaraning bendhé bè ri,
puksur tambur myang suling papandhèn daludag,
bandéra miwah kakandha warna-warna,
pindha jaladhiyan, O ,
asri kawuryan.
Ada-ada Hastakuswala Alit cakepan sanes:
Tanggap, mabangun anggarjiteng driya,
mijil mangagnyana, sigra sawéga,
gegamaning laga, apareg katgata,
gumrah anggregut, wigati samapta,
tantara sampeka, sampating wadya kuswabra , O ,
sambadastra, tama.
Ada-ada Hastakuswala Ageng, sléndro nem
Untuk sekembalinya utusan yang memerintahkan :
Greg-greg handheman ingkang,
jaran ngrik magalak genti manitih,
pamekakira risang, O,
sudar sana dahat ,
kendhali rangah manjing, O ,
laklakaning kuda, ngrik mijil rah,
kadya tuk sumarambah, O,
Mung jir, mung jir, O ,
yaksa temahan, O,
krura aru manaut, yitna sang narpatmaja , O.
Bentuk teks (cakepan) beserta notasi (titi laras) (pdf) dapat di sini dan bentuk audionya klik : Siyang pantara, Kilwan sekaring, Galak ulat, Mundur Rekyana Patih,dan Greg-greg.
Ada-ada Budhalan, sléndro nem
Kangge ambudhalaken pra wadya :
Énjing budhal gumuruh,
saking jroning praja,
gunging kang bala kuswa,
abra busananira lir surya wedalira,
saking jalanidhi,
harsa madhangi jagad,
duk mungup-mungup anèng sapucaking wukir, O
Ada-ada Mataraman, sléndro nem
Kangge bade perang ampyak :
Rikat lampahirèng rata tan pantara,
praptèng sukuning harga,
eram tumingaling,
pakuwon asriné, O
ndhendheng sahéngga praja,
umyung kang pradangga busekan kang wadya, O
Pathet Kedhu, sléndro nem
Kangge sabibaring perang ampyak :
Myat langening kalangyan,
haglar pandam muncar, O,
tinon lir kekonang,
surem soroté tan padhang,
kasor lan pajaring, O , O ,
purnamèng gegana, O ,
dhasaré mangsa katiga, O ,
hima hanawengi,
ring ujung ancala,
senen hakarya wigena, O,
miwah sining wana, O , O ,
wreksa gung tinunu, O
Pathet Lasem, sléndro nem
Kangge adegan sabrang alusan :
O , O , dene utamaning nata, berbudi bawa leksana, O ,
lire berbudi mangkana, O ,
lila legawa ing ndriya, O ,
hanggung donya paring dana,
hanggeganjar saben dina,
lirre , kang bawa laksana, O ,
hanetepi pangandika, O , O
Ada-ada Mataraman (jugag), sléndro nem
Kangge raos sereng :
Ridhu mangawur awur wurahan,
tengaraning ngajurit,
gong maguru gangsa, O
Ada-ada Nem (Srambahan) :
Bumi gonjang-ganjing langit kelap- kelap katon,
lir kincanging alis,
risang mawèh gandrung, O ,
sabarang kadulu.
Wukir moyag mayig,
saking tyas baliwur, O
Ada-ada cakepan sanes :
Jumangkah hanggro srusumbar lindhu bumi gonjing,
gumaludhug guntur ketug,
umob kang jaladri, O
Ada-ada Jugag, sléndro nem
Kangge raos sereng :
Ridhu mangawur awur wurahan,
tengaraning ngajurit, gong maguru gongso, O
Sendhon Tlutur
Kangge raos sungkawa :
O, O, surem surem diwangkara kingkin,
lir manguswa kang layon,
denya ilang kang memanise,
wadananira layung,
kumel kucem rahnya maratani, O
Greget saut nem
Kangge raos sereng :
Jaja muntap lir kinetap kumejot padoning lathi,
netra kocak ngondar andir, O
Ada-ada Jugag, sléndro nem :
Buta Pandhawa tata gati wisaya,
Indri yaksa sara maruta,
pawana bana margana, O
samirana lan warayang,
panca bayu wisikan,
gulingan lelima, O
Pathet Lindur, sléndro nem
Kangge menawi bade malik pathet sanga :
Nembang tengara mundur, O , O ,
sawadyané nedya,
kondur jroning pura,
waraha pragoswa, O, O ,
samya hamaregi, O ,
sanget playuning bala, O ,
samya rebut dhucung,
pan sampun atebih,
praptèng jroning pura, O ,
sang nata duksinéba, O, O
Bentuk teks (cakepan) beserta notasi (titi laras) (pdf) dapat diklik di sini dan bentuk audionya klik : Énjing budhal, Rikat lampahirèng, Myat langening, dene utamaning nata, Ridhu mangawur, Bumi gonjang-ganjing, Buta Pandhawa, dan Nembang tengara.
Pathet Sanga
Pathet Wantah, sléndro sanga
Kangge malik ing pathet sanga :
Sangsaya dalu raras abyor kang lintang kumedhap,
titi sonya tengah wengi,
lumrang gandaning puspita,
karengwaning pudyanira, O ,
sang dwija wara brengengeng,
lir swaraning madu brangta,
manungsung sarining kembang.
Pathet Jugag, sléndro sanga
Kangge singgetan :
Leng-lenging driya mangu-mangu mangunkung,
kandhuhan rimang,
lir léna tanpa kanin.
Pathet Ngelik, sléndro sanga
Kangge adegan sanga sepisan :
O, O , yeka nalikanira, O ,
Risang Pandusiwi, O,
denira neng jro wana,
O, tinuduh eyang sang resi, O ,
bagawan Wiyasa, O ,
kinen hangupadi,
pepakem Makutharama,
wahyuning narpati
Pathet Jugag, sléndro sanga :
Jahning yaning talaga kadi langit,
mahambang tang pas wulan upamaneka, O
Pathet Jugag, sléndro sanga cakepan sanes :
Myat langening kalangyan haglar pandam muncar,
tinon lir kekonang,
surem soroté tan padhang.
Sendhon Tlutur
Kangge raos sungkawa :
O, O , surem surem diwangkara kingkin,
lir manguswa kang layon,
denya ilang kang memanise,
wadananira layung,
kumel kucem rahnya maratani, O
Ada-ada Greget Saut, sléndro sanga
Kangge raos sereng :
Bumi gonjang ganjing langit kelap kelap katon,
lir kincanging alis,
risang mawèh gandrung,
sabarang kadulu,
wukir moyag mayig,
saking tyas baliwur,
lumaris sang gandrung,
dhuh ari Sumitra,
tan naya paran rèh,
kabèh sining wana nangsaya maringsun, O
Ada-ada Greget Saut, sléndro sanga :
Sigra jumangkah sang Apekik,
humanjing jro wana,
sumorot prabanya,
tanwrin pringgabaya,
anasak nusup wus manengah risang, O
Ada-ada Greget Saut, sléndro sanga (jugag) :
Buta pandhawa tata gati wisaya,
indri yaksa sara maruta, O
Ada-ada Jugag, sléndro sanga
Kangge singgetan :
Jahning yaning talaga kadi langit,
mahambang tang pas wulan upamaneka, O
Ada-ada Greget Saut, sléndro sanga
Kangge raos sereng :
Bumi gonjang ganjing langit kelap kelap katon,
lir kincanging alis,
risang mawèh gandrung,
sabarang kadulu,
wukir moyag-mayig,
saking tyas baliwur,
lumaris sang gandrung,
dhuh ari Sumitra,
tan naya paran rèh,
kabèh sining wana nangsaya maringsun, O
Ada-ada Greget Saut, sléndro sanga
Kangge raos sereng :
Sigra jumangkah sang Apekik,
humanjing jro wana,
sumorot prabanya,
tanwrin pringga baya,
anasak nusup wus manengah risang, O
Ada-ada Greget Saut, sléndro sanga (jugag)
Kangge raos sereng :
Buta pandhawa tata gati wisaya,
indri yaksa sara maruta, O
Ada-ada Palaran, sléndro sanga
Kangge denawa kejiling :
Raseksa krura kagiri giri,
gengnya lir prabata,
abang kawelagar,
manguwuhing mung- suh,
haminta la- wan,
hanggro sru masinga nabda,
kadyènggal yun manu- bruk- a, O
Ada-ada Hastakuwala, sléndro sanga
Kangge satriya badhe manah :
Menthang gandhéwa dibya,
buntala marcu gadhing,
parianya kemuning,
kang trisula panggah,
rikata apamuk,
watgata naratas,
pegat jangganira swuh, O ,
mengsahira sirna, O
Pathet Jingking, sléndro sanga
Kangge sabibaring prang sekar satriya :
Tunjung bang traté, O ,
irim irim, atap taping kayu apu,
agringgring lulumut,
kangkungira ijo,
srigadhing diwasa, O ,
retnaning rejasa,
kembang karang, sungsang,
bogemé araras, radèn, O ,
Jineman :
Kembangira, karang sungsang, O
Bogemme araras, O
Janing yaning
Sendhon Sastradatan/Rencasih, sléndro sanga
Kangge adegan sintren utawi wayang alusan (rasa oneng/emeng) :
Lawa-lawa gumandhul,
nèng pang kebet-kebet, O ,
lir milu susah, yèn ta bisa muwus,
pagéné Pandhawa, tan ana tumut,
pribadi aminta, prajanta sepalih,
kang sekar tanjung,
ruru ambelasah,
lesah kadi susah,
susah kapisah, O
sumrambahing kisma, O
Ada-ada Jugag, sléndro sanga :
Bumi gonjang ganjing langit kelap-kelap katon,
lir kincanging alis, risang maweh gandrung, O
Bentuk teks (cakepan) beserta notasi (titi laras) (pdf) dapat diklik di sin dan bentuk audionya klik : Sang saya dalu, Leng-lenging driya, yeka nalikanira, Sigra jumangkah, Raseksa krura, dan Bumi gonjang ganjing .
Pathet Manyura
Pathet Wantah, sléndro manyura
Kangge malik pathet manyura :
Mèh rahina semubang Hyang Haruna kadi ,
nétraning angga rapuh,
sabdaning kukila ring,
kanigara kaketer, O,
kinidunganingkung,
lir wuwusing pinipanca,
lawan pepetoging ayam,
waneh neng pagakan,
mrak manguwuh bremara,
ngrabeseng kusuma ring,
wara baswararum
Sendhon Sastradatan, sléndro manyura
Kangge adegan manyura sepisan :
Nata Kresna lon ngandika,
dhuh yayi prabu haywa sungkaweng tyas,
solahe rinira,
Ki Harya Werkudara, O ,
nadyan wruha yektining pangapus, O,
tingkah kurawa cidra, O ,
den apasrah, mring bathara luhung,
O , wong nedya puruhita, O ,
Utawi ngangge cakepan sanes :
Tatkala narpa Kresna,
tan tulus hanyakra ring, O ,
sang Resi Wara Jahnawi Suta,
kang munggah kalihing rata,
teter umyanga,
kenikeng saratama,
tan warta magawé,
pupuh guna sang resi,
lèlèh manggya tatar,
ujwala tekan swuh,
umiyat risang Wara,
Srikandhi karanane, O,
Gupuh sireng laga, O.
Ada-ada Jangkep, sléndro manyura
Kangge raos sereng/ selingan mlumpatipun Werkudara :
Manganjur lakuning angin,
guntur hanggraning arga,
gora gurnita kagiri-giri,
horeg bumi prakampita,
padhola mangambak ambak,
udan deres awor,
lesus kadya pinusus,
sindhung riwut magenturan,
gumuruh mawalikan,
kumecak mawetu gelap, O,
Sete setu bandalayu, O.
Ada-ada Jugag, sléndro manyura
Kayon katiyubing angin,
nggereng swaraning wana gung,
mateg sang Bima kurda,
tan wrin pringga baya, O.
Ada-ada (Srambahan), sléndro manyura
Kangge raos sereng/ medalipun R. Gatutkaca :
Iri kata sang Gathutkaca kinon,
mapag Arkasuta,
tekapira Kresna,
Parta maneher muji saktinira,
wang wang semu hanggarjita,
humareg mawa saraba, O.
Ada-ada Jugag, sléndro manyura
Mulat maras sang Harjuna,
esmu kamanungsan,
kasrepan tingkahireng mungsuh, O,
niran padha taya, O.
Pathet Jugag, sléndro manyura
Kangge singgetan :
Jahning yahning talaga kadi langit,
mahambang tang pas wulan upamanéka, O,
lintang tulya kusuma panjrah sumawur, O.
Ada-ada Jugag, sléndro manyura
Dewa dewa sugata kang sureng prang,
ngudani arum-arum, ngendanu ing ngawiyat, O.
Ada-ada Cekak, sléndro manyura
Buta Pandhawa tata gati wisaya,
indri yaksa sara maruta,
pawana bana margana, O.
Pathet Jugag, sléndro manyura
Leng lenging driya mangu-mangu,
mangunkung kandhuhan rimang,
lir lena tanpa kanin,
yen tan tulus amengku sang dyah utama, O.
Bentuk teks (cakepan) beserta notasi (titi laras) (pdf) dapat diklik di sini dan bentuk audionya klik : Mèh rahina, Nata Kresna, Manganjur lakuning, Kayon katiyubing, Mulat maras, Jahning yahning, Dewa dewa, dan Buta Pandhawa.
Matur nuwun Pak…, kangge pasugatan ingkang sampun cumawis.
Nderek-nderek ngunduh, Pak …
(Arief Wahyudi, Pandemen budaya Jawi saking Malang Selatan)
Monggo menawi saget migunani dumateng raos nderek anderbeni kabudayan Jawi ingkang samenika sampun katah dipun tilaraken.
matur nuwun,tumut ngunduh ki,kangge nderek anderbeni kabudayan jawi
(putra jawa kelahiran sumatera) supartono -lahat sumatera selatan
Monggo kanti bingahing manah menawi ngersaaken ….
ngaturaken gunging panuwun, kenging damel rengeng rengenging penggalih.
Sami2 pak Mariantono
wah jangkep sanget, mugi2 manfaat
Matur sembah nuwun, amin, pak Syukron
Alhamdulillah, salamine inkang kula padosi saha kula kajengaken, pranyata kepanggih wonten mriki, ngaturaken agunge panuwun pak.. ( sekar jingga-T.Agung)
Sami-sami, menawi saget dados lelipuring penggalih pra sutrisno kabudayan Jawi.
derek downloads ki ,matur suwun , mugi manfaat, remen sanget. pangapunten ki derek usul, dalem pengin sanget, gadah potongan-potongan suanten gamelan, nalikane medal punokawan, perang buta cakil vs janaka, janaka vs buto . suwun ki , ngrepoti.
Maturnuwun pak Arifin, kaleresan file ingkang panjenengan kersaaken dereng wonten, ngapuntenipun
ndherek tepang, nami kula widi…
kula estu remen sanget saged ndherek sinau lan download file-file punika..
nyuwun sewu, nyuwun pangapunten, wonten file ingkang link-ipun risak, kados ta: file audio “Ada-ada Girisa” (www.4shared.com/music/CtljcF_7/02_LengGN.html)
mugi ndadosna kauningan lan saged dipunbenakaken malih.
maturnuwun…
sae pak, napa malih menawi saget dipun serat artosipin wonten bahasa Indonesia
Maturnuwun, ngapunten wekdalipun ingkang dereng wonten
Matur nuwun sanget,..
Sami-sami
matur suwun pak kula derek copy paste njih…
Sumangga
Matur nuwun sanget saget kagem nguri-nguri budoyo kita ingkan tuhu adiluhung
Sami2
Matur nembah nuwun,sanget migunani lan tumut andarbeni jagadting pakeliran.nuwun
Sami2 mas Agung S menawi saget migunani. Suwun.
matur nuwun, mas, … kangge putra kula sinau ndhalang
Dawah sami2 pak Suroyo.
rahayu….. suguh budoyo maring sedoyo pandemen budoyo jawi mugi pangantok berkahing gusti kang urbohing dumadi
Matur sewu sembah nuwun. Mugiha sami-sami rahayu nering sambikala. Asesanti angesti budaya kinarya luhuring nuswa lan bangsa.
Matur sembah nuwun, kepareng nderek ngunduh, soho sinau..
Sami2 mas Suharno.
Nyuwun pangapunten pak.. menawi kagem upacara penganten, ngagem suluk ingkang pundi?
Ngaturaken gunging panuwun ingkang tanpo pepindhan. Raos mak ” Nyeeeessss…” wonten ing manah. Kabudayan ingkang adiluhung.
Dawah sami2 mas Thony Harianto, matur sembah nuwun kersa mampir.
menawi sluk mekaten, menopo wonten CD utawi kasetipun mboten nggih ?
Maturnuwun sampun kersa mampir. Sapangertosan kula kadosipun dereng wonten menawi khusus kangge pasinaon suluk mas Basiran.
Weh, … lha menika ingkang kula padosi. Matur nuwun.
Dawah sami2, matur sewu sembah nuwun sampun dangan ing panggalih kersa mampir.
Kepareng kawula ngundhuh babagan “Suluk Pedhalangan” menika. Awit ing tlatah Ngawi nembe grumegah ngrembakaning jagad seni karawitan, kalebet seni pedhalangan. Menika dipun pandhegani dening Dinas Pariwisata, Pemuda, dan Olahraga dalah Dinas Pendidikan Kabupaten Ngawi. Mila menika, kula minangka pendhamping lare-lare ingkang ndherek pelatihan inggiha mangertas jagading pakeliran. Nuwun.
Pak Kusfandiari, matur sembah nuwun sampun kersa mampir. Sumangga kemawon dipununduh, mugi2 wonten pigunanipun.
Nuwun wiyos ipun . Dimas Hasysa ingkang tansah lubering budi…..Keparengo kawula ngundhuh babagan “Suluk Pedhalangan” menika.mugi wonten ginanibpun hanguri uri kabudayan jawi wonten ing tanah monco…………Kawulo hamung nderek sesanti mugi rahayuni sesami….joyo joyo wijayanti lir doto ing sambi kolo. …..Kekanthi MOTTO WAYANG KULIT TUNTUNAN DALAM TONTONAN…..Seni…Pedalangan jawi joyo sak lami o….Nuwun
Sumonggo kerso pak Si Doel Agus, kulo derek bingah.
Maturnuwun dadi ngerti suluk wayang kulit dadi kepengin dadi dalang untuk meneruskan budaya kita/negara
Dawah sami2
Maturnuwun dadi ngerti suluk wayang kulit dadi kepengin dadi dalang sing rame kaya KI DALANG EKO SUWARYO
Dawah sami2
kawula nuwun… keparenga ndherek ngundhuh anggen panjenengan “andum kaluhuran”… salam pitepangan… ramadavit- kidul pasar- kab.mlg.
Dawah sami2, matur sewu sembah nuwun kerso mampir.
Nuwun, ngaturaken sagunging panuwun, dene sampun paring pasugatan seserepan menggah suluk padhalangan jangkep, mugi saged nambahi kawruh kawula ingkang nembe ngangsu ing bab adicara mugi saged hangwimbuhi manising wicara jangkeping adicara wiwaha.
Nuwun ndherek ngangsu tuwin salam pakurmatan kawula..Dimas Priya Djatmiko,salam sedherek Malang~Pakisaji~KarangDuren.
Ngaturi pinarak
..
Nuwun
Dawah sami2, Dimas Priya Djatmiko. Admin hangaturaken gunging panuwun sampun dangan ing penbggalih kersa mampir. Salam sedherek saking Pangkalpinang, Bangka Belitung